5 curiosidades sobre a gastronomía galega

Galicia é un dos lugares do mundo no que os padais están mellor atendidos, e boa mostra diso é a calidade e a afluencia do turismo gastronómico na nosa terra. A diversidade de rexións e de pratos típicos galegos é enorme, ademais de que as tradicións e a cociña beben de múltiples civilizacións e períodos históricos. Neste artigo queremos revelarche cinco pequenas curiosidades ao redor da cociña galega que talvez non coñecías.

Datos que quizais non sabías da gastronomía en Galicia

• Os romanos importaron á nosa primixenia gastronomía a cociña mediterránea xunto coa produción de viño como bebida principal. Da alimentación árabe en tempos de Al-Ándalus chegaron descubrimentos como o arroz, a berenxena ou as espinacas. Hoxe en día, a nosa dieta atlántica é un conglomerado, caracterizado pola calidade de materias primas -carnes, peixes, mariscos, verduras e hortalizas- e unha forma de cociñar sinxela, sen excesivos condimentos e que busca que o comensal aprecie de forma natural os sabores.
• A orixe do nome de "polbo a feira", -de rúa, un dos nosos pratos máis famosos, cuxa popularidade chega a todos os lugares do mundo- remóntase a que este era o prato estrela nas feiras locais nas que os granxeiros compraban todo tipo de produtos como gando ou hortalizas. Preparado polas pulpeiras en enormes caldeiros de cobre, este manxar era especialmente apreciado ao tratarse dun produto de mar, xa que era dos poucos trasladados outrora ás zonas de interior.
• Case mil anos de empanadas!: As raíces deste tipico produto -que atoparás de todo tipo de sabores como bacallau, bonito, carne, liscos ou zamburiñas- remóntanse ao século XII. De feito, poden verse talladas no pórtico da catedral de Santiago de Compostela. Era un prato idóneo para viaxeiros debido a que a masa evitaba que o recheo se puxese en contacto co po dos camiños.
• O lacón máis rico, desalado: O lacón con grelos é un delicioso prato típico da época de Entroido en Galicia. Aínda que moitos pensan que simplemente hai que cocelo xunto ás patacas cocidas denominadas cachelos, é fundamental poñelo a desalar unhas 48 horas antes. Cocelo xunto aos grelos -brotes de nabos- e un pouco de chourizo outórgalle ese sabor característico e exquisito.
• Unha sobremesa medieval: A torta de Santiago é unha icona gastronómica e aínda que non se teñen demasiados datos acerca da súa procedencia, sábese que xurdiu durante a Idade Media, e que en 1557 Pedro de Portocarrero visitou a Universidade compostelá e obtivo a receita da torta real, cuxos ingredientes eran os mesmos que a actual torta que namora os estómagos de peregrinos, turistas e autóctonos. Ñam!

• Anterior
• Seguinte